Кемер белдік картинасы

«Кемер белдік» картинасы қазақ халқының күші мен рухани биіктігін бейнелейді. Картинаның ортасында металлмен күміс жалатылған әшекейлермен безендірілген, тау хрусталі тастармен инкрустацияланған ер адамның белдігі — кемер белдік орналасқан. Қазақ дәстүрінде белдік тек сәндік бұйым емес, ол ер азаматтың абыройы мен намысының, мәртебесінің, қуаты мен ел қорғауға әрқашан дайын екендігінің нышаны болған.

Белдіктің өрнектері мен асыл тастары иесінің дәрежесін айқындаған. Ол ханға, биге немесе батырға тән мәртебелі атрибут саналған. Кемер белдік адамды жер мен көкпен байланыстыратын «тіршіліктің таянышы» ретінде қарастырылып, қорғаныштық мағынаға ие болған.

Картинаның артқы көрінісінде бейнеленген жауынгерлер мен салт аттылар тарихи мазмұнды айқындайды. Бұл — азаттығын қорғаған ата-бабамыздың ерлігін еске салу. Картина терең мәнге ие: ол — тарихи жадтың, ерліктің және мұраның нышаны, ұрпақты салт-дәстүрді қастерлеуге, ұлттық мәдениетті мақтан етуге үндейді.